Tifozët janë shtangur nga Todd Boehly pasi Chelsea ka rënë dakord të shesë Deivid Washington te klubi simotër i Strasbourg-ut.
Chelsea thuhet se ka rënë dakord për të shitur sulmuesin Deivid Washington te Strasbourg për 21 milionë euro, në një marrëveshje që do të eklipsojë rekordin e transferimeve të klubit francez.
Megjithatë, nuk ka kaluar pa u vënë re mes tifozëve që Blutë po i shesin një lojtar klubit të tyre simotër, i cili është gjithashtu në pronësi të BlueCo të Boehly, për një shumë potencialisht të fryrë.
Washington ka luajtur vetëm 25 minuta me ekipin e parë të Bluve pas mbërritjes së tij për 16 milionë eurosh nga klubi brazilian Santos.
@IcyChandor shkroi: “Në këtë pikë FFP është shqetësimi ynë më i vogël. Boehly mund të arrestohet për pastrim parash!”.
@KinyuaOD shtoi: “BlueCo po përpiqet të thyejë rregullat”.
@JKCPLTO tha: “Kjo duhet të jetë e paligjshme”.
@CFCMod_ shkroi: “Ky klub po bën pastrim parash, sepse si ka mundësi që po shesim Deivid Washington te Strasbourg për 21 milionë euro, kur as nuk mund ta largonim dot në huazim gjatë gjithë verës”.
@JeanCFC_ tha: “Ne vërtetë nxorëm një fitim nga Deivid Washington. Ne jemi kriminelë…”.
Boehly dhe Chelsea kanë qenë nën mikroskop për përpjekjet për të respektuar rregullat e fitimit dhe qëndrueshmërisë duke shitur lojtarë të rinj vendas për shuma të mëdha.
Ata gjithashtu shitën një hotel për 76 milionë sterlina (100 milionë dollarë) për të shmangur ndëshkimin nga Premier League. Mbetet për t’u parë nëse do të merret ndonjë veprim në lidhje me operacionin me klubin e tyre simotër.
