Boksieri britanik Tommy Fury, vëllai i kampionit të botës në peshën e rëndë Tyson Fury, ka nënshkruar kontratën për të dueluar më 6 gusht ndaj yllit të YouTube, Jake Paul. Kjo sfidë ishte planifikuar për t’u zhvilluar dhjetorin e vitit të kaluar, por u shty.
Pak kohë para duelit, Fury pati probleme shëndetësore (infeksion në kraharor) dhe një brinjë të thyer, duke bërë që sfida të anullohet. Paul (5 fitore e 0 humbje në ring) asokohe dueloi me Tyron Woodley dhe e fitoi sfidën.
The fight is on. August 6th. Forget a team or any other bullshit. I don’t need anybody to help me lay you flat on that canvas. Oh and thanks for finally signing the drug testing… you only agreed to it when you realised the fight was at risk – who needs who 😂 https://t.co/bt6CL24HNh
— Tommy Fury (@tommytntfury) June 22, 2022
Paul pat deklaruar se nuk do ta ftonte më në ring Tommy Fury, por ndërroi mendje. Ai i la afat deri ditën e premte britanikut për të firmosur kontratën, e cila tashmë është nënshkruar. Ka qenë vetë Fury ai që bëri publik lajmin e sfidës me personazhin e njohur të YouTube.
“Dua t’ju njoftoj se sfida e planifikuar për më 6 gusht është gati. Kontrata është nënshkruar”, tha Tommy Fury, që pat vënë disa kushte.
“Pas shumë e shumë javësh në pritje që Jake Paul të kryejë testin anti-drogë, më në fund ai e bëri këtë gjë. Ne ramë dakord për marrëveshjen dhe jemi të dy të kënaqur, ndaj dueli do të zhvillohet normalisht. Shihemi më 6 gusht”, tha Fury, që pritet të arkëtojë 2 milion dollarë.