Talenti i Barcelonas, Lamine Yamal “nuk mund të krahasohet me askënd”, thotë Fernando Llorente, pasi “as Lionel Messi nuk ishte në këtë nivel në atë moshë”.

Yamal, i cili ka ndjekur Messin nga sistemi i famshëm i akademisë La Masia në Katalunja, vazhdon të rishkruajë librat e historisë në moshën 16-vjeçare.

Pasi ka thyer tashmë disa rekorde me Barçën dhe Spanjën, ai tani është bërë lojtari më i ri debutues në historinë e Kampionatit Europian dhe më i riu që ka dhënë një asist.

Këto dy rekorde u vendosën në ndeshjen hapëse të Euro 2024 kundër Kroacisë, me Yamal që tërhoqi vëmendjen në një fitore mbresëlënëse 3-0 për La Roja.

Sulmuesi i talentuar do të mbushë 17 vjeç deri më 13 korrik, me arritje të jashtëzakonshme nga një lojtar kaq i ri.

Ish-lojtari i Spanjës, Llorente, ka folur për Sky Sport Italia për ngritjen e shpejtë të Yamal dhe pse ai mund të konsiderohet një nga më të mëdhenjtë e të gjitha kohërave në këtë fazë të karrierës së tij:

“As Messi nuk ishte në këtë nivel në atë moshë. Lamine Yamal bën gjëra të jashtëzakonshme. Ai nuk mund të krahasohet me askënd”.

Yamal bëri debutimin e tij për Barçën në moshën 15 vjeçare dhe ka kaluar tashmë 50 ndeshje zyrtare me gjigantët e Liga-s.

Ai ka tetë paraqitje dhe dy gola me kombëtaren, me krahasimet me fituesin e tetë herë të Topit të Artë, Messi, që duket se janë gjithmonë në sfond.