Sezoni i parë mbaroi dhe është koha për bilancet e para për presidentin e Fiorentinas, Rocco Commisso.

“Unë po kaloj 95-97% të kohës time për Fiorentina, shpresoj që në të ardhmen të jem në gjendje të shkoj me pushime si të tjerët, por vetëm nëse gjithçka shkon mire”.

“Ata më kërkojnë të bëj si Atalanta, por a keni ndonjë ide se sa vite u desh që një i mirë si Percassi të arrinte këto rezultate? Të gjithë pronarëve u duhen vite për të punuar dhe përmirësuar. Ne të gjithë u bëmë mirë duke pasur parasysh të gjitha vështirësitë e vitit të parë, mbylljen, Covid etj. Por nuk vihet re. Askush nuk shpenzoi aq sa bëra në vitin e parë. Të gjitha pa të ardhurat që kanë skuadrat e para në kampionat, pa të cilat është e vështirë të arrish nivele të caktuara. Interi ka gati 400 milion të ardhura, ne më pak se 100. Kemi ambicie dhe dëshirë. Por ne gjithashtu duhet të jemi praktikë dhe të kuptojmë situatën”.

“Sigurisht që ne duam të përmirësojmë renditjen tonë dhe të ndërtojmë infrastrukturën që i shërben Firences, si dhe gjithë Italisë. Kemi stadiumet më të këqij në Evropë. Më lejoni të investoj në stadium, dua që dikush në 50 vjet të thotë – çfarë stadium të bukur bëri Rocco!”.

“Chiesa? I kam dhënë leje të largohet, por vetëm nëse vjen oferta e duhur për Fiorentinan, në sajë të vlerësimit që bëjmë për lojtarin”.