Mesfushori i Manchester United, Fred , është ndëshkuar me karton të kuq në miqësoren e luksit kundër Atletico Madrid, për një gjest të dhunshëm ndaj Alvaro Morata-s.
Braziliani është dërguar para kohe në dhomat e zhveshjes në minutat e fundit të ndeshjes së luajtur në Oslo pasi ka goditur sulmuesin spanjoll teksa ai ishte i shtrirë në tokë.
Fred red card vs Atletico Madrid pic.twitter.com/vZflnlwBM1
— Football (@footballl32) July 30, 2022
Tifozët e United kanë reaguar menjëherë në rrjetet sociale pas kartonit të kuq të marrë nga 29-vjeçari, me njërin prej tyre që ka thënë: “Fred ishte lojtari ynë i ndeshjes. Por ndërhyrja ka qenë e pakuptimtë dhe i kuqi i merituar”.
Një tjetër ka thënë: “Me Fred dhe Maguire titullarë tek United, rezultatet nuk do të ndryshojnë”. Një tjetër ka shtuar: “Fred the red (Fred i kuqi)”.
Manchester United e humbi ndeshjen 1-0 ndaj Atletico Madrid, me golin që vendosi ndeshjen që është shënuar nga Joao Felix në minutën e 86-të.
Kjo ka qenë humbja e parë e pësuar nga Erik ten Hag si trajner i Djajve të Kuq. Prova e vërtetë do të jetë të dielën e ardhshme kur do të fillojë edhe sezoni i ri i Premier League.
GOLI I JOAO FELIX