Nico Williams, anësori i majtë spanjoll që këtë verë përfundoi në vorbullën e thashethemeve që e panë atë praktikisht si blerje per Barcelonën per shkak edhe te miqesise dhe raportit me Lamine Yamal, ka qendruar te Athletic Bilbao dhe është i lumtur.

Ndërsa është grumbulluar nga trajneri De La Fuente për të luajtur angazhimet me kombëtaren spanjolle pas një vere të paharrueshme për fitoren e Kampionatit Evropian ne Gjermani, ai do të ribashkohet me mikun e tij dhe yllin e Blaugranas, Yamal:

“Kemi shkuar shumë mirë, jemi si macja me qenin, si vëllezër të vegjël, i uroj më të mirat. Jam më i lumtur në kombëtare nëse është Lamine aty”, fjalët e para të publikuara në intervistën për gazetën AS.

Siç u përmend, ai tha se do të qëndronte në Bilbao, por sipas disave qëndrimi i tij nuk është aq i dukshëm: “Jam i lumtur te Bilbao, vendosa të qëndroj këtu. Është e pabesueshme të shohësh se çfarë ndodhi në ndeshjen e Europa League kundër AZ”.

Mbi shembujt Mbappé dhe Dembélé: “Ata janë lojtarë dhe referenca të shkëlqyera për mua. Ata janë unikë, kanë një aftësi të jashtëzakonshme driblimi, shpesh e sjell lojën e tyre në lojën time, përpiqem të kopjoj lëvizjet e tyre. Është mirë që unë të mësoj nga më të mirët”.