Barcelona duket se ka identifikuar dy lojtarë të akademisë si zëvendësues të mundshëm të Marc Bernal.

17-vjeçari mund të ketë mbyllur sezonin para kohe për shkak të dëmtimit serioz të pësuar në gju në ndeshjen kundër Vallecano-s.

Bernal bëri paraqitje shumë të mirë gjatë fazës përgatitore dhe bindi Hansi Flick t’i jepte një vend në formacionin titullar në këtë sezon. Ai luajti në të tri ndeshjet e Barcelona-s në La Liga deri tani.

Sipas gazetarit Jaume Marcet, Barca do të kërkojë ta zëvendësojë Bernal me dy produkte të tjerë të akademisë, Marc Casado dhe Pau Prim.

Ndërsa Casado ka luajtur gjashtë ndeshje me Barcelona-n, duke përfshirë edhe një në këtë sezon, Prim nuk ka debutuar akoma me ekipin e parë.