Kthehet Barcelona, kthehet rruli, por sidomos kthehet magjia e Lamine Yamal! Talenti spanjoll eshte ai qe ndryshon mekanizmat, ai qe sheh autostrada aty ku te tjeret shohin “trafik”… Dhe ne fakt, nga kembet e tij lind gjithcka, nga penalltia qe Raphinha kthen ne gol, te asisti tjeter per brazilianin dhe aksioni i golit te De Jong. Me pas, holandezi jep per Pau Victor pasimin per golin e manita, ne nje sfide qe nuk u duk aq e lehte ne 45′ e para…
Katalanasit kane shënuar fitore ndaj Mallorcas me rezultat 5-1 në ndeshjen e vlefshme për javën e 19-të. Kjo ndeshje është në kalendarë për javën e 19-të të planifikuar për muajin janar, por skuadra do të luajnë në Superkupën e Spanjës në Arabi dhe për këtë arsye luajtën sot në La Liga.
Barcelona e nisi më mirë ndeshjen duke gjetur golin që në start, me Ferran Torres që shënoi në minutën e 12-të për 1-0. Mallorca tentoi të barazonte, por golin e gjeti vetëm në minutën e 45-të, kur Vedat Muriqi shënoi nga afër për 1-1.
Me këtë rezultat u mbyll pjesa e parë, ndërsa në të dytën Barcelona ishte shumë e rrëzikshme, duke shënuar katër herë. Raphinha shënoi golin e epërsisë në minutën e 56-të, duke gjetur rrjetën nga pika e bardhë. Në minutën e 74-të, Yamal dhuroi një asistim për Raphinhan, i cili nga afër shënoi për 3-1.
ASISTI MAGIIK NGA YAMAL – VIDEO
Frenkie de Jong arriti të shënojë për 4-1 nga afër, disa minuta pasi u fut në lojë. Krejt në fund kishe kohë edhe për një gol të Pau Victor, i cili u shërbye nga një asistim i De Jong.
Barcelona pas tri ndeshjesh pa fitore kthehet te triumfi që e mban në vendin e parë me 37 pikë, ndërsa Mallorca ka 24 pikë në vendin e gjashtë.
