Sipas Florian Plettenberg të Sky Germany, Barcelona ka paraqitur një ofertë zyrtare për të nënshkruar me sulmuesin e krahut të Hull City, Jaden Philogene.

Klubi katalanas raportohet se po mendon një lëvizje huazimi me detyrim blerje në vitin 2025.

Philogne, një produkt i akademisë së Aston Villa, bëri 32 paraqitje për Hull gjatë sezonit 2023-24, duke shënuar 12 gola dhe duke dhënë gjashtë asiste.

Ai ka kontratë me Hull deri në fund të sezonit 2025-26 dhe ka një vlerë të përllogaritur tregu prej 15 milionë euro.

Sipas Plettenberg, Blaugranat janë gati të shpenzojë rreth 20-25 milionë euro në vitin 2025 për të nënshkruar me Philogne. Ata kanë paraqitur tashmë një ofertë dhe po kërkojnë të përfundojnë nënshkrimin e parë të epokës Hansi Flick.

Duke pasur parasysh situatën aktuale financiare të klubit, Barça ka përdorur nënshkrime huazimi dhe ka marrë lojtarë me kosto zero në sesionet e fundit të merkatos.

Prandaj, Philogne i përshtatet situatës financiare të klubit në këtë drejtim dhe mund të jetë një opsion shumë më i qëndrueshëm financiarisht.