Barcelona raportohet se është e interesuar të nënshkruajë sulmuesin e Aston Villas, Jhon Duran, pasi nuk arriti të marrë Amadou Onana nga klubi i Premier League.

Duran u transferua tek Aston Villa në janar 2023 nga ekipi i MLS Chicago Fire FC. Sulmuesi kolumbian ka qenë produktiv që kur zbarkoi në Villa Park, duke regjistruar 13 gola në 56 ndeshje të luajtura në të gjitha kompeticionet.

Duran e ka nisur shumë mirë këtë sezon, duke shënuar katër gola në pesë ndeshje të kampionatit.

Sipas El Nacional, drejtuesit e Barcelona-s e shohin Duran si një zbulim pas fillimit shumë të mirë të sezonin 2024-25 në Premier League.

Raporti gjithashtu thekson se drejtori sportiv Deco ka nisur kontaktet me skuadrën e Premier League për të diskutuar një lëvizje të mundshme për Jhon Duran.

Mbetet për t’u parë nëse Barcelona mund të plotësojë kërkesat financiare të Villa, duke pasur parasysh vështirësitë financiare të klubit spanjoll.

Në merkaton të verës, Villa thuhet se vendosi një çmim prej 40 milionë sterlinash për lojtarin, por kjo shumë ka të ngjarë të rritet duke pasur parasysh formën e Duran.