Nëse dita e mirë duket që në mëngjes, tifozët e Barcelonës rrezikojnë të përjetojnë një tjetër sezon “djallëzor”. Paraqitja e parë në “Estadio Olímpico Lluís Companys”, shtëpia e Blaugrana-ve edhe për sezonin 2024-2025, ndërsa pritej të përfundonte puna në “Camp Nou” e ri, ishte një fatkeqësi e vërtetë.
Monaco mbizotëroi ndaj ekipit të Flick me rezultatin e qartë 3-0 në trofeun e zakonshëm veror “Gamper”. Një disfatë shqetësuese për katalanasit, pesë ditë para fillimit të kampionatit të ri. Barcelona e riorganizuar, por ende konkurruese, u rrëzua në pjesën e dytë, pasi mbajti në fuqi barazimin pa gola në 45 minutat e para.
Camara hapi rezultatin në minutën e 50-të, Embolo dyfishoi epërsinë shtatë minuta më vonë, ndërsa Mawissa Elebi e mbylli ndeshjen 4 minuta para fundit të kohës së rregullt. Festa u kthye në shqetësim, duke tronditur menjëherë trajnerin e ri. Gjermani do të ketë shumë punë për të bërë.
BARCELONA-MONACO 0-3
BARCELONA: Ter Stegen (Peña, 77′); Koundé (Hèctor Fort, 68′), Christensen (Sergi Domínguez, 46′), Iñigo, Balde (Gerard Martín, 68′); Casadó, Bernal, Pablo Torre (Gündogan, 46′) (Ferran, 68′); Pau Víctor (Toni Fernández, 88′, Lewandowski (Lamine Yamal, 68′), Raphinha (Junyent, 88′)
MONACO: Kohn; Vanderson (Mawissa, 81′), Kehrer, Salisu, Jakobs (Ouattara, 90′); Ben Seghir (Henrique, 77′), Zakaria (Matazo, 87′), Camara (Diop, 81′), Minamino (Muwaré, 81′); Balogun (Michal, 90′), Embolo (Ilenikhena, 77′)
GOLAT: 0-1 Camara 50′; 0-2 Embolo 56′; 0-3 Mawissa, 86′
