Futbollisti argjentinas Lionel Messi është afër rikthimit në Barcelonë këtë verë dhe për këtë ka shkrua edhe Fabrizio Romano, i cili lë të kuptohet se gjërat po shkojnë në atë drejtim dhe se gjithçka mund të zgjidhet shumë shpejt.

Nënkryetari i klubit spanjoll, Rafa Yuste, foli publikisht për herë të parë për rikthimin e mundshëm të Leos dhe pranoi se tashmë ishin vendosur kontakte. “Ne jemi në kontakt me përfaqësuesit e Messit. Leo e di shumë mirë se sa e vlerësojmë atë dhe ne do të dëshironim që ai të kthehej në Barcelonë. Dy vjet më parë isha pjesë e negociatave për vazhdimin e kontratës dhe e di se sa e vështirë ishte ta lija të largohej”.

“E di me siguri që ai e do Barcelonën dhe ne do të përpiqemi të gjejmë kushtet e duhura për vazhdimin e historisë së tij”, ka thënë Yuste. Sipas Romano, argjentinasi ka në tavolinë një ofertë nga klubi i tij aktual PSG, por ende nuk ka marrë një vendim përfundimtar për këtë.

Supozohet se arsyeja është pikërisht Barcelona, ​​klubi ku u rrit Messi, duke filluar nga kategoritë më të reja dhe duke debutuar në vitin 2004. Edhe Xavi ka thënë se shpreson që Messi të kthehet te Barceona. Kujtojmë se Messi u transferua te PSG dy vite më parë për shkak të situatës së vështirë financiare dhe problemeve të Barcelonës.

Por Goal ka befasuar sonte! Sipas tyre “klubi i Arabisë Saudite, Al Hilal dëshiron të nënshkruajë me sulmuesin e PSG-së, Lionel Messi dhe është i gatshëm t’i paguajë argjentinasit më shumë se rroga prej 173 milionë sterlinash që Al Nassr po i paguan sulmuesit Cristiano Ronaldo duke e bere me te paguarin ne histori…”.