Disfata e pësuar të hënën në shtëpinë e Sheffield United ka ngjallur shumë reagime brenda kampit të Arsenal. Në këtë moment të fillimit të sezonit, “Topçinjtë” në fakt nuk kanë entuziazmuar dhe aq shumë, me pozitat e trajnerit Unai Emery që tashmë janë lëkundur rrezikshëm.
Me rritjen e rrezikut nën këmbët e spanjollit, “The Sun” informon se kompanitë e basteve kanë stiluar tashmë një listë me kandidatët e mundshëm që mund të zëvendësojnë teknikun Emery.
Favoritët për zëvendësimin e ish-trajnerit të PSG, janë Mikel Arteta, Patrick Vieira dhe Nuno Espirito Santo. Pas në listë qëndrojnë edhe Massimiliano Allegri, Brendan Rodgers dhe Fredrik Ljungbeg, me legjendën e Arsenal, Thierry Henry, akoma më pas në listë.