Sipas informacioneve të Bild, ditën e mërkurë ka pasur një bisedë mes shefit të Bayern Munich Karl-Heinz Rummenigge dhe Arsene Wenger.

Një burim i brendshëm i klubit i ka thënë Bildit se Wenger dhe Rummenigge janë takuar për të diskutuar emërimin e mundshëm të francezit në stolin bavarez. “Klubi e çmon jashtë mase punën që ka bërë Wenger tek Arsenali, por ai nuk është një opsion për vendin e punës,” shprehet klubi gjerman. 

Një vendim surprizë. Wenger ishte gati të bashkëpunonte me trajnerin e përkohshëm Hansi Flick, i cili udhëhoqi ekipin drejt fitores 2-0 ndaj Olimpiacosit.

Nuk përjashtohet mundësia që Flick të mbyllë sezonin me skuadrën në mënyrë që klubi të afrojë Erik ten Hag ose Thomas Tuchel në fund të sezonit.