Arjen Robben nuk do të luajë më në vitin 2018, për shkak të shqetësimit në lidhje me një dëmtim serioz në kofshë, që po e bezdis prej kohësh.
Robben, 35 vjeç muajin e ardhshëm, mungoi ndaj Ajax-it për një problem muskulor dhe gjithashtu nuk ka luajtur në ndeshjet e fundit të kampionatit, kundër Nurenberg-ut e Werder-it.
Trajneri Niko Kovac ka konfirmuar se është vendosur nga klubi që Robben ta bëjë pushim në 3 ndeshjet e mbetura të vitit, për t'u kthyer në janar.
"Nuk do të luajë më këtë vit, e duam gati në 4 janar Mjekët e kontrolluan dhe nuk ka kuptim ta rrezikojmë", tha kroati.
Bayern do të luajë 3 ndeshje në 8 ditë, me udhëtimin në Hannover këtë të shtunë, pasuar nga ndeshjet kundër RB Leipzig dhe Eintracht Frankfurt.
Kovac mund të ketë në dispozicion edhe Mats Hummels, i kthyer në stërvitje, pas një mungese një-mujore: "Mats është një kampion bote, por edhe lojtarët e tjerë kanë emër të madh, ndaj do të duhet ta rifitojë me shumë punë vendin në formacion".
Telesport është krenar që bashkëpunon me Krowd9, një aplikacion fantastik i futbollit për shqiptarët! Shkarkojeni > bit.ly/krowd9 për video me përmbledhje ndeshjesh, njoftime të menjëhershme për golat dhe të gjitha lajmet e Telesport! Krowd9 është i përdorshëm në shqip, italisht dhe anglisht
