Bayern Munchen po kërkon me çdo kusht që të nënshkruajë me një sulmues krahu gjatë kësaj merkatoje, duke qenë se Arjen Robben dhe Francky Ribery janë larguar. Kampionët e Gjermanisë pikasën Callum Hudson-Odoin dhe Lorey Sane-n, por nuk ia dolën mbanë t'i bindin, të paktën deri tani.
Emri i ri që ka dalë në skenë është ai i Wilfried Zaha-s. Lojtari i Crystal Palace-s pëlqehet shumë dhe nga Arsenal-i dhe gjermanët duhet të fitojnë garën me "Topçinjtë" për ta rrëmbyer. Sfidë e kalueshme duke parë buxhetet e klubeve me londinezët që janë të limitur.
Bayerni nuk do të paguajë 100 milionë euro për Sane, prandaj dhe objektivi i tyre i radhës është Zaha. Palace do 85 milionë euro për të, Arsenali nuk është në gjendje të ofrojë aq, por as gjermanët nuk do e bëjnë. Klubi bavarez mund të ofrojë më shumë se anglezët dhe pritet të nënshkruajnë me lojtarin.
