Gjatë një interviste për “Sportweek”, ish-kapiteni i Interit, Beppe Bergomi, ka folur për mënyrën sesi këtë rol po e bën aktualisht Lautaro Martinez te zikaltrit: “Një kapiten perfekt, edhe si futbollist është rritur shumë. Së pari, në momentet e errësirës, dmth kur nuk shënonte, hidhërohej shumë dhe nuk ishte i dobishëm për skuadrën.

Megjithatë, që nga viti i kaluar, ai është themelor edhe kur nuk shënon, pikërisht sepse e ndihmon skuadrën ndryshe, me një vrapim shtesë, një goditje, një asistim. Lautaro më duket një person pozitiv. Sigurisht, e ka këtë pamje të zymtë, që unë nuk e kisha, por është kapiteni i përsosur për këtë ekip. Një tjetër lojtar që mund të bëhet kapiten simbolik është Barella”.