Besëlidhja fitoi me vështirësi 87-83 ndaj Apolonisë, një sfidë e ekuilibruar, ku të dyja skuadrat dueluan fort për fitoren. Laventis me 24 pikë ishte shënuesi më i mirë për lezhjanët, duke i bërë të pavlefshme 22 pikët e Hamilton për fierakët.
Mjaft e rëndësishme edhe fitorja e Kamza Basket, që mundi 77-64 Tiranën, një përballje mes dy ekipesh që synojnë play off-in. Vendimtare perioda e fundit, ku për vendasit u dalluan Parker me 19 pikë e Allen me 17 pikë, ndërsa te Tirana mungoi lojtari-lider.
Në Durrës, ekipi vendës i Teutës fitoi 92-86 ndaj Vllaznisë, në një sfidë të ekuilibruar deri në fund. Të dyja skuadrat dueluan fort për fitoren, por në fund triumfuan vendasit, ku u dallua Powell, që realizoi 42 pikë e 11 rebound.
Në takimet e Kategorisë së Parë parë për meshkuj, Elbasani i pamposhtur, ruan kryesimin pas fitores së thellë 123-88 ndaj Fieri Basket. Fiton edhe Partizani, 81-53 ndaj Flamurtarit, duke qëndruar në vendin e dytë në renditje.
Superliga-Meshkuj, java e 6-të
Kamza Basket – Tirana, 77-64
Besëlidhja – Apolonia, 87-83
Teuta – Vllaznia, 92-86
Renditja: Besëlidhja 12 pikë, Tirana 9 pikë, Teuta 9 pikë, Kamza Basket 9 pikë, Apolonia 8 pikë, Vllaznia 7 pikë.
Kategoria e Parë-Meshkuj, java e 6-të
Elbasani – Fieri Basket, 123-88
Partizani – Flamurtari, 81-53
Skënderbeu – Pogradeci, 17 nëntor
Renditja: Elbasani 12 pikë, Partizani 11 pikë, Fieri Basket 8 pikë, Flamurtari 8 pikë, Skënderbeu 7 pikë, Pogradeci 5 pikë.
