Liga e Kampionëve është me të vërtetë afër startit, por ka nga ata, si Zvone Boban, që tashmë rrezatojnë ide shumë të qarta. Në fakt, ish-futbollisti, lexojmë në “Gazzetta dello Sport”, po fokusohet shumë tek Interi i Simone Inzaghit.
Sipas legjendës kroate të futbollit, i cili u largua nga qendra e vëmendjes janarin e kaluar, pas përfundimit të përvojës së tij me UEFA-n, zikaltrit kanë diçka më shumë se të gjitha skuadrat e tjera italiane: “Interi ka treguar se mund të konkurrojë me të gjithë. Zikaltrit janë ende favoritë për titullin e Serie A, kanë skuadrën më të fortë dhe më të kompletuar”.
Është e pamundur të dëgjosh Boban dhe të mos flasë për Milanin, klubin për të cilin punoi si menaxher midis viteve 2019 dhe 2020, përpara ndërprerjes së papritur të bashkëpunimit. Boban, pavarësisht precedentit jo të mirë, nuk harron të kaluarën e tij të lavdishme kuqezi: “Për mua, Milani është gjithmonë Milani. Fonseca? Duhet t’i japim kohë, ai sapo ka ardhur në Milano. Shpresoj se mund të korrigjohet, përtej rezultateve problemi është loja”.
Një “thumb” edhe për Ibrahimovic: “Ibrahimovic është një gjeni dhe na dha një dorë të madhe kur vendosi të kthehej te Milani. Megjithatë, nuk e kam kuptuar ende rolin e tij tashmë te Milani. Nuk i identifikoj dot përgjegjësitë drejtuese që ka marrë përsipër. Shpresoj se do t’i kuptojë ato, sepse në fund të fundit do të jetë ai që do të gjykohet, jo Moncada. Për mua gaboi që shpërbëri ekipin e titullit të fundit”.
