Ish-trajneri i Milanit, Fabio Capello, thotë se Zlatan Ibrahimovic duhet të marrë përgjegjësinë për fillimin e dobët të sezonit.

Capello ndihet keq për trajnerin Paulo Fonseca pas një fillimi të dobët me kuqezinjtë.

Ai tha për La Gazzetta dello Sport: “Kur merrja një ekip, isha i vëmendshëm ndaj së kaluarës, por vendosja idetë e mia në të. Gjithmonë kam bërë verë me rrushin që kisha.

“Si është rrushi i Fonseca-s? Ju duhet të pyesni ata që kanë bërë merkaton. Kam dëgjuar shefin në TV (Zlatan Ibrahimovic): ai thotë se është ai që është në krye, apo jo? Kështu që ai ka gjithashtu një përgjegjësi”.

Kur u pyet se çfarë duhet të bëjë Fonseca, Capello vazhdoi:

“Duhet të hyjë në kokën e lojtarëve. Unë nuk mendoj se ka konkurrencë në ekip. Duket sikur nuk janë të të përgatitur për të përballuar situata të ndryshme nga ato në stërvitje në një ndeshje.

“Pas fitores së titullit, mungonte shpirti, dukej sikur ishin të ngopur: Fikayo Tomori dukej si fenomen, sot është tmerrësisht keq”.