Liverpool nuk ndalet dhe eliminon Brightonin nga Carabao Cup, duke fituar 3-2. Pjesa e parë përfundoi pa gola, edhe pse dy skuadrat kishin shanse të mira për gol. Por, 45 minutat e dytë nisën furishëm, me The Reds që ishin të pandalshëm. Në minutën e 46-të, Cody Gakpo realizoi për 1-0, ku u asistua prej Morton. Sulmuesi holandez nuk u ndal me kaq dhe realizoi edhe të dytin personal, kur shënoi në minutën e 63-të.
Brightoni e futi nën ankth Liverpoolin, kur Simon Adingra shënoi për 2-1 në minutën e 81-të. Por, Liverpooli u kundërpërgjigj me anë të Luis Diaz, kur realizoi për 3-1 në minutën e 85-të. Pulëbardhat realizuan edhe njëherë, tani me anë të Tariq Lamptey (90+1′), por pa ndonjë efekt edhe pse kishte presion mbi Reds. Por, lojtarët e Arne Slot arritën të mbanin këtë epërsi, për të kaluar në çerekfinale, aty ku do të përballen me Manchester Unitedin.
Pikerisht skuadra e drejtuar nga trajneri provizor Van Nisterlrooy fitoi me rezultatin e thelle 5-1 ndaj Leicester City. Dy gola nga Casemiro, dy nga Bruno Fernandes dhe nje nga Garnacho.
Tottenham ka arritur të shënojë fitore të madhe ndaj Man Cityt me rezultat 2-1 në Carabao Cup. Vendasit e nisën shumë mirë ndeshjen, duke krijuar që në start raste për gol. Rezultati u zhbllokua në minutën e 5-të, kur Timo Werner arriti të shënojë për 1-0. Nuk vonoi shumë dhe Pape Matar Sarr arriti të shënojë për 2-0, duke i dhënë epërsi të madhe Tottenhamit.
Pak pa u mbyllur pjesa e parë, qytetarët arritën të kthehen në lojë, me Matheus Nunes që shënoi për 2-1. Edhe pjesa e dytë sa i përket rasteve të mira i takoi Tottenhamit, por që vendasit nuk arritën të shënonin.
Deri në fund nuk ndryshoi rezultati dhe Tottenhami kaloi tutje në Carabao Cup, ku do të përballet me Arsenalin. Skuadra e Artetas e pati te lehte ndaj Preston ne derbin e Londres, teksa fitoi me rezultatin e thelle 0-3 me golat e Gabriel Jesus, Ethan Nwaneri dhe Kai Havertz.
Kalon me tej edhe Newcastle qe mundi 2-0 Chelsean me dy golat qe erdhen ne pjesen e pare. Ne fillim shenoi Isaak dhe me pas ishte autogoli i Disasi qe vulosi kete sfide duke eliminuar ekipin e Maresca. Sakaq, eliminohet ne menyre te bujshme Aston Villa e Emery pasi po fitonte 1-0 dhe u permbys 1-2 nga Crystal Palace.
