Ish-mbrojtësi i Anglisë, Danny Mills kohët e fundit kritikoi qëndrimin e Jurgen Klopp te Liverpool, duke pretenduar se gjermani nuk ishte aspak afër kalibrit të Pep Guardiolas të Manchester Cityt.

Klopp iu bashkua klubit Merseyside në vitin 2015 pas një periudhe të suksesshme te Borussia Dortmund. Ai i ka ngritur Të Kuqtë në lartësi të mëdha gjatë nëntë viteve të fundit, duke arritur sukses të konsiderueshëm dhe duke krijuar një ekip të frikshëm.

Liverpool ka fituar Premier Lague, Champions League, FA Cup, Kupën e Botës për klube dhe dy Kupa të Ligës nën drejtimin e Klopp. Megjithatë, shumë mund të argumentojnë se ata kanë qenë vetëm të dytët më të mirë pas Cityt të Guardiolas në Premier League.

Ndërsa skuadra e Klopp humbi titullin me vetëm një pikë në dy raste të veçanta, ata kanë fituar vetëm një herë kundër pesë titujve të fituar në Premier nga ekipi i Guardiolas në gjashtë sezonet e fundit.

Mills beson se ecuria e Klopp në Anfield është e mbivlerësuar për shkak të mungesës së trofeve në krahasim me Guardiolan. Ai tha për talkSPORT:

“Epo ai ka fituar një Premier League në çfarë, nëntë vjet? Kjo ishte në një vit Covid. Të gjithë thonë ‘Anfield është gjëja më e mirë në planet, tifozët bëjnë diferencën'”.

“E vetmja herë që e kanë fituar është pa tifozë në Anfield. Klopp ka dalë dy herë i dyti? Pra, i pari, i dyti dhe i dyti. Nuk është rekordi më i mahnitshëm!

“Liverpool ka shpenzuar në merkato… Klopp ka qenë shumë, shumë i mirë, por ai nuk është në nivelin e Guardiolas”.

Klubi Merseyside do të përballet me Brighton në Premier League më 31 mars, pas pushimit për ndeshjet e kombëtareve.