Numërimi mbrapsht ka nisur! Sot është një ditë e rëndësishme për fatin e Champions League dhe Europa League, pasi Komiteti Ekzekutiv i UEFA-s do të mblidhet për të vendosur në lidhje me datat dhe sidomos axhendën e përballjeve të fazave të mbetura në dy kompeticionet.
Champions League pritet të “vuloset” në Lisbonë (duke përjashtuar ndeshjet e mbetura të fazës së 1/8-ve, pra Juventus-Lyon, Barcelona-Napoli, Manchester City-Real Madrid dhe Bayern M.-Chelsea, më 7 dhe 8 gusht). Final Eight, e gjitha në Portugali, e ndarë mes stadiumeve “Da Luz” (Benfica) dhe “Alvalade” (Sporting Lisbona).
Çerekfinalet mes 12 dhe 15 gusht, gjysmëfinalet mes 18 dhe 19 gusht. Finalja më 23 gusht.
CHAMPIONS LEAGUE 2019-2020
8 Gusht (1/8-tat)
Juventus-Lyon (Torino)
Barcelona-Napoli (Barcelonë)
Manchester C.-Real Madrid (Mançester)
Bayern-Chelsea (Mynih)
12-15 Gusht (çerekfinale)
Luhen në Lisbonë – ndeshje të vetme
18-19 Gusht (gjysmëfinale)
Luhen në Lisbonë – ndeshje të vetme
23 Gusht (Finale)
Luhet në Lisbonë
EUROPA LEAGUE
Europa League mbetet në Gjermani. Edhe këtu, ndeshjet e kthimit të fazës së 1/8-ve duhet ende të zhvillohen në selitë përkatëse. Do të bëjnë përjashtim ndeshjet e italianeve: Inter-Getafe dhe Sevilla-Roma nuk kanë parë të luhen as ndeshjet e para, ndaj do të zhvillohen në ndeshje të vetme, në tokë gjermane. Më pas, “Final Eight” në 4 qytetet e përcaktuara: Gelsenkirshen (favorite për finalen), Duseldorf, Këln dhe Duisburg. Akti i fundit më 21 gusht, dy ditë përpara finales së Champions League.
Vendimet e tjera: Stamboll 2021 dhe jo vetëm. Finalja e Superkupës së Europës pritet të luhet në stadiumin e ri modern në Budapest, më 24 shtator.
Së fundmi, finalet e Champions 2021 dhe 2022 do të zhvillohen në Stamboll dhe Shën Pjetërburg.
