Toni Kroos ka luajtur në tri skuadra gjatë karrierës: Bayer Leverkusen, Bayern dhe Real Madrid. Ai ka patur plot oferta nga Premier League dhe Serie A, por gjithmonë ka refuzuar.

I pyetur nëse do ta shihte veten duke luajtur në kampionatin italian, gjermani, tashmë i larguar nga futbolli i luajtur, është përgjigjur pozitivisht, madje duke zgjedhur një skuadër.

“Disa klube të Serie A kanë shfaqur interes kur luaja në Spanjë, por kurrë nuk kam menduar të largohem nga Real Madrid. Gjithmonë më ka pëlqyer futbolli italian, por Real Madrid është Real Madrid”.

“Të zgjedh një ekip italian? Është e vështirë, sepse nuk i njoh nga brenda, por për momentin nuk do të isha keq nëse do të luaja për Interin. Janë skuadër tepër e fortë”.