Hapi i gabuar në “San Siro” ndaj Real Madridit ka ulur ambiciet europiane të Interit, një hap larg eliminimit nga Champions; pasi grumbulloi vetëm dy pikë në katër ndeshje. E marta është tashmë koha që të mos dështojë në Gjermani, në fushën e Borussia Moenchengladbach, por së pari duhet menduar për kampionatin, që ofron një tjetër ndeshje emocionuese jashtë.
Zikaltrit do të jenë mysafirë në “Mapei Stadium”, në Reggio Emilia, për t’u përballur me Sassuolo e De Zerbi, e cila mban vendin e dytë në renditjen aktuale të Serie A, çka vërteton punën e shkëlqyer të bërë nga trajneri Lombard.
Sidoqoftë, Conte nuk mund të mos marrë në konsideratë afrimin e sfidës ndaj gjermanëve dhe për këtë arsye, formacioni kundër Sassuolo do të paraqesë disa lajme të rëndësishme. Mbi të gjitha, pushimi i Lukakut. Gjigandi belg duhet të pushojë pas turneut të forcës, që e detyroi atë të punojë me orë shtesë, ashtu si Hakimi në krahun e djathtë. Në vendin e tyre, përkatësisht Sanchez dhe Darmian.
Konfirmohet Vidal që, pasi u dëbua me të kuqe të mërkurën në mbrëmje, nuk mund të jetë në Gjermani. Thelbësor mbetet Barella, ndërsa në të majtë duhet të shihet përsëri Perisic, nga 1′. Nainggolan mungon, i frenuar nga një lodhje në shputën e këmbës së djathtë.
Formacionet e mundshme:
SASSUOLO (4-2-3-1): Consigli; Müldür, Marlon, Ferrari, Rogerio; Maxime Lopez, Locatelli; Berardi, Djuricic, Boga; Raspadori.
INTER (3-5-2): Handanovic; Skriniar, De Vrij, Bastoni; Darmian, Barella, Vidal, Gagliardini, Perisic; Sanchez, Lautaro.
