Hernan Crespo, ish-sulmuesi i Milanit dhe tani trajner i Al-Ain në Emiratet e Bashkuara Arabe, foli për “Gazzetta dello Sport”. Aty analizoi momentin e kuqezinjve, u ndal më konkretisht te Rafael Leao: “Unë i shikoj gjërat nga jashtë, sepse nuk jam në Milanello. Duke qenë se e njoh mirë mjedisin, fjala e parë që më vjen në mendje është ‘konfuzioni’. Më duket se Leao është i hutuar para së gjithash, pastaj janë çështjet teknike”.

Cila është arsyeja e këtij konfuzioni?
Ai është një talent, ka cilësi të spikatura, teknike dhe atletike, por ende nuk ka arritur pjekurinë që duhet të ketë një kampion. Shkurt, është sikur të ishte në gjysmë të rrugës. Nuk mjafton të dish të driblosh për të qenë në gjendje të përkufizohesh si kampion. Në vend të kësaj, komplimentet për Leao shkuan paksa larg.

A nuk do të ishte më mirë që Milani të ndahej me Leao?
Unë nuk do të hyj në dinamikën e tregut, edhe sepse nuk e di llojin e kontratës që ka portugezi. Sigurisht, nëse vazhdon kështu, Leao nuk është një vlerë e shtuar për ekipin.