Lëndimi i Marc Bernal errësoi gjithçka që ndodhi në ndeshjen e Barcelonës në Vallecas. Fitorja dhe si pasojë kryesimi i vetëm i La Liga-s pati “qershinë mbi tortë”; debutimin e shkëlqyer të Dani Olmos. Mesfushori-sulmues nga Terrassa, nënshkrimi i madh i Barçës në sezonin 2024-2025, debutoi të martën në Madrid me ekipin e parë katalanas.
Ish-lojtari i të rinjve të Barçës, i cili u largua nga entiteti në vitin 2014, ishte katalizatori i madh për skuadrën e Flick dhe një nga lojtarët kryesorë për përmbysjen kundër Rayo. Ai shkëlqeu me një gol, por edhe festën që e ka karakteristike.
Olmo mundi mikun e tij Cárdenas, gjithashtu nga Terrassa, në minutën e 82-të. Ai u hodh në fushë në pjesën e dytë dhe zuri pozicionin që i pëlqen më shumë, si mesfushor. Që atëherë, Barça filloi t’i afrohej qëllimit të saj. Pak minuta pas hyrjes në fushë, Olmo tronditi traversën e kundërshtarit. Më pas, në minutën e 82-të, vulosi përmbysjen e nisur nga Pedri, pas asistimit të Lamine Yamal.
Menjëherë më pas, Olmo, një dashnor i sporteve të tjera si basketbolli apo Formula 1, ka nisur festën e tij karakteristike, i shoqëruar nga anësori i ri ndërkombëtar. Ai vuri gishtin tregues mbi kyçin e dorës, sikur donte të tregonte kohën. Është një gjest i njohur si “Dame Time”, i cili u lancua nga lojtari i NBA-së, Damian Lillard, pikë-gardi i Milwaukee Bucks.
Ky i fundit është mësuar të shënojë kosha në momente vendimtare të ndeshjeve. Mesfushori nga Terrassa ka kohë që i feston kështu golat e tij. Në kombëtaren spanjolle dhe te Leipzig e ka bërë atë gjest me duar.
Barça, gjithashtu festoi regjistrimin e tij në La Liga. Dani Olmo është thirrur të jetë titullar i padiskutueshëm në formacionin e Flick. “Me të kishim më shumë kontroll mbi topin, kombinuam më mirë. Ai ishte shumë i mirë, na siguroi topin dhe gjithashtu shënoi. Olmo bëri diferencën në pjesën e dytë”, – tha trajneri gjerman pas ndeshjes në Vallecas.
26 vjeçari ka kontratë me Barçën deri në vitin 2030. U aktivizua në pjesën e dytë dhe të dhënat e tij nxjerrin në pah se ka realizuar tri goditje, njëra prej tyre në rrjetë. Ai dha 21 pasime të suksesshme dhe 4 të dështuara; mori një faull.
