Probleme për Jerome Boateng, yllin e Bayern Munich. Mbrojtësi akuzohet për dhunim të ish-partneres së tij, nënës së motrave binjake, Sherin Senler. Prokurori i Mynihut ka hapur tashmë një hetim për një episod të vitit 2018. Çështja është ende në fazën e parë të hetimit dhe detajet nuk dihen, por përfaqësuesit e Boateng, 31 vjeç, kanë theksuar se akuzat bazohen vetëm në pretendime të paprovuara.
Gjykata, megjithatë, ka urdhëruar hetime të mëtejshme mbi episodet e ndryshme të dhunës në familje, i fundit nga të cilët mund të datojë vetëm dy javë më parë. Jerome dhe Sherin e kishin filluar lidhjen e tyre në vitin 2007, por marrëdhënia po bëhej gjithnjë e më e vështirë, aq shumë, sa u ndanë. Në vitin 2011, kur lindën Soley dhe Lamia, divorci i çiftit u njoftua nga avokatët e tyre, por vetëm dy vite më vonë kishin rifilluar marrëdhënien, duke u kthyer zyrtarisht së bashku më 2014.
