David Alaba i përket asaj kategorie lojtarësh që u bënë të mëdhenj menjëherë. Në fakt, pas një sezoni tek Austria Vjenë, mbrojtësi u ble nga Bayern Munich në moshën 16-vjeçare. Ai bëri debutimin në ekipin e parë bavarez gjatë vitit të dytë në këtë klub.
Gjetja e hapësirave në atë skuadër është diçka për pak lojtarë, ndaj në janar 2011 u huazua te Hoffenheim, me të cilin arriti të gjente vazhdimësi në Bundesligë. Ishte pikërisht ajo që i duhej, sepse sapo të kthehej në bazë, do të bëhej element thelbësor.
I linduri më 1992 është rritur si mbrojtës i majtë, por me karakteristika disi atipike: ka aftësi të forta mbrojtëse, është shumë i zoti në lexime parandaluese, në të njëjtën kohë është i pashtershëm në fazën e shtytjes dhe veçanërisht i aftë në goditjet e lira (qofshin goditje nga këndi, goditje të lira apo penallti).
Shumë shpejt do të bëhej një shtyllë, lojtar i pazëvendësueshëm te Bayern Munich, që kërkohej nga emrat e mëdhenj të Europës gjatë të gjitha sesioneve të merkatos. Ai qëndroi në Gjermani për 13 vite dhe luajti 431 ndeshje me Bayern Munich, duke shënuar 33 gola.
Gjëja që bie menjëherë në sy janë trofetë e fituar: 10 herë fitoi Bundesligën, 6 herë Kupën e Gjermanisë, 2 herë Superkupën e Europës, 2 herë Kupën e Botës për Klube, 2 herë Ligën e Kampionëve dhe 5 herë Superkupën e Gjermanisë.
Në verën e vitit 2021 i erdhi mundësia që nuk mund të refuzohej, Real Madridi. Me kalimin e viteve evoluoi dhe, për të zgjatur karrierën e tij, u “gradua” si qendërmbrojtës. Me “Los Blancos” vazhdon të bëjë atë që di më së miri, të fitojë. Ancelotti, përveç periudhës në të cilën u dëmtua rëndë (dhjetor 2023), e ka aktivizuar gjithmonë si titullar.
Austriaku ia ka shpërblyer me paraqitje të nivelit të lartë. Në 3 sezone luajti 102 ndeshje, shënoi 5 gola dhe fitoi dy herë Superkupën e Spanjës, dy herë La Liga-n, një herë “Kupën e Mbretit”, dy herë Ligën e Kampionëve, një herë Superkupën e Evropës dhe një herë Kupën e Botës për Klube me fanellën e bardhë.
Është pjesë e Kampionatit Europian, teksa ende mbetet lider absolut i Austrisë, kombëtares me të cilën ka luajtur 105 ndeshje dhe shënuar 15 gola. David Alaba dje mbushi 31 vjeç.
