Sugjerimi për ta parë David Luiz në Itali shpërtheu edhe më herët se sa pritej. Megjithatë, për të mos ia lakuar pa fund emrin ka menduar personi në fjalë, i cili hedh poshtë hipotezën për zbarkim në Serie A, konkretisht tek Interi.
Sipas zërave të merkatos, qendërmbrojtësi i ishte vetofruar skuadrës zikaltër, gjë që nuk qenka aspak e vërtetë (sipas vetë brazilianit).
Mbrojtësi e ngriti zërin përmes një “Instagram Story”, me një shije të fortë mohimi dhe në të njëjtën kohë me vëmendje kushtuar kryesisht qëllimeve që duhen arritur me Flamengon e tij.
“Fake news. Jam totalisht i fokusuar në atë që duhet të bëj me Flamengon. Sa për ata që shpikin të tilla lajme, Zoti i bekoftë!”
David Luiz nuk i mungojnë angazhimet me kuqezinjtë. Në “Brasileirao”, gjuetia e liderit Palmeiras është e hapur, tashmë tetë pikë larg, ndërsa në “Copa Libertadores” mbetet për të mbrojtur suksesin e matur (0-1) të arritur ndaj kolumbianëtve të Tolima në ndeshjen e parë të 1/16 finale.
Kontrata e tij aktuale skadon më 31 dhjetor të këtij viti, por kush e di se nuk mund të rinovohet, për të vijuar me këtë eksperiencë të dytë në shtëpi, pas asaj te Vitoria në fillim të karrierës.