Rodrigo De Paul është jo vetëm një nga protagonistët historikë të këtij procesi “Scaloneta”, por është edhe një nga lojtarët më të vlerësuar në sistemin e lojës së kombëtares argjentinase. Ndoshta për shkak të tipareve të karakterit, ai është edhe një nga lojtarët më të dashur për publikun.
Këtë e dëshmon ovacioni në momentin e zëvendësimit të tij, në fitoren dërrmuese 6-0 kundër Bolivisë. Ndjenja me tifozët e Albiceleste është për t’u parë nga të gjithë, ndërsa në mbrëmjen triumfuese të “hat-trick” të Leo Messit u kap me një buzëqeshje ndryshe.
Arsyeja? Ai e shpjegoi thjesht, me pak fjalë, pas ndeshjes për “TNT Sports”: “Nuk e kam parë (foton që u bë ‘virale’), por padyshim që është gëzim, emocion. Nuk e di kush e tha këtë, sikur po shikoja Michael Jordan.
Fatkeqësisht vitet kalojnë për të gjithë. Shpresoj që ai të qëndrojë për të luajtur me Argjentinën. Sot e pamë se ai është akoma më i miri nga të gjithë. Është një proces që më pëlqen shumë dhe shpresoj që Leo të qëndrojë këtu për aq kohë sa të dojë”.
DE PAUL, SOBRE SU FOTO VIRAL VIENDO A MESSI: “Es alegría, emoción. Lamentablemente los años pasan para todos. Ojalá se quede a vivir. Hoy vieron que sigue siendo el mejor de todos”. pic.twitter.com/3MYOhRC6FI
— TyC Sports (@TyCSports) October 16, 2024