Emri i Erling Haaland (23 vjeç) është një nga ata që mund të nxisë interesat e merkatos së transfertave botërore dhe sipas asaj që lexojmë në disa gazeta katalanase, mund të rikthehet në modë edhe për Barcelonën. Mundo Deportivo i dedikoi një artikull, duke shpjeguar se si qendërsulmuesi norvegjez i Manchester Cityt është një lloj ëndrre e ndaluar për Blaugranët në vitin 2025.
Por nuk është as hera e parë që Barça interesohet për të. Në fakt, kontaktet e para datojnë në prill 2021 kur babai i tij dhe agjenti i tij i atëhershëm Mino Raiola (i cili më vonë u nda nga jeta dhe u zëvendësua në rol nga përfaqësuesja e tij ligjore, brazilianja Rafaela Pimenta) u nisën për në Barcelonë me një avion privat për te pare nga afer projektin sportiv Blaugrana, përpara se të bënte të njëjtën gjë me Real Madridin po atë pasdite dhe më pas në ditët në vijim në Angli me Chelsean, Liverpool, Manchester United dhe City, që më vonë do të bëhej ndalesa e tij e radhës.
Dhe më pas ishte vizita personale e Xavi në mars 2022 në funksion të verës: problemet ekonomike, sidoqoftë, i bënë ata të anojnë drejt zgjedhjes së Lewandowski, një sulmues me përvojë dhe më pak të kushtueshëm.
Që atëherë, megjithatë, shkruan gazeta katalanase, dera e Barcelonës ka mbetur gjithmonë e hapur, aq sa muajin e kaluar agjenti i sulmuesit, Pimenta, u takua me drejtorin sportiv të Blaugranas, Deco. Plani i klubit është ta nënshkruajë atë në vitin 2025, kur Lewandowskit i mbaron kontrata.
