Mediat italiane kritikuan Victor Osimhen pas humbjes 3-1 të Napolit kundër Barcelonës të martën, por legjenda e Juventusit dhe Italisë, Alessandro Del Piero mendon se lojtari i Nigerisë tregoi një “qëndrim pozitiv” kundër gjigantëve të La Ligas.
Osimhen nuk arriti të linte shenjë në humbjen e Napolit në Champions League ndaj Barcelonas të martën, gjë që shkaktoi eliminimin e italianëve nga kompeticioni elitar i Europës.
Del Piero ishte gjithashtu i zhgënjyer nga performanca e sulmuesit, por gjithsesi e mbrojti atë pas ndeshjes.
“Ai vendosi përkushtimin maksimal edhe nëse të shënosh kaq shumë herë në pozicion jashtë loje është paksa e tepruar”, tha fituesi i Kupës së Botës me Italinë për Sky Sport Italia.
“Sigurisht, kur luan keq në një ndeshje të rëndësishme, je pak i demoralizuar, por cilësitë e lojtarit nuk mund të vihen në dyshim. Napoli ka pasur një sezon negativ, kështu që nuk e përballon gjithmonë atë që ndodh me një buzëqeshje. Sidoqoftë, qëndrimi i Osimhenit ishte gjithmonë pozitiv”.
Osimhen ka shënuar 13 gola në 24 paraqitje në të gjitha ndeshjet këtë sezon, duke përfshirë një në ndeshjen e parë të raundit të 1/8-ave të Champions League.
Nigeriani ka rinovuar së fundmi kontratën e tij me Partenopei deri në qershor 2026, por pritet të largohet në verë me një klauzolë prej 130 milionë euro.