Janë javë delikate në shtëpinë e Milan-it, duke filluar nga situata e stolit.

Siç dihet, në fakt, drejtuesit kanë nisur punën për të gjetur pasardhësin e Pioli-t.

Ndërkohë po mendohet edhe për merkaton e verës dhe për të gjetur përforcimet e duhura për të ngushtuar diferencat me Inter-in kampion të Italisë.

Një nga emrat më të përmendur ka qenë ai i Lucas Vasquez, lojtar ekspert krahu i Real Madrid-it të Carlo Ancelotti-t, kontrata e të cilit skadon në qershor. Përgjigja e spanjollit nuk ka vonuar.

Sipas ‘okdiario.com’, në fakt, Vasquez duket se ka refuzuar ofertat e Atletico Madrid, Milan dhe propozimet e rëndësishme të ardhura nga Arabia Saudite. Dëshira e tij është të rinovojë me Los Blancos.

Nuk do të jetë Milan-i dhe Seria A në të ardhmen e lojtarit, i cili do të vazhdojë aventurën e tij në Madrid edhe për të paktën një sezon tjetër.