Fitorja dërrmuese 5-1 e Barcelonës ndaj Villarrealit u la në hije nga dëmtimi i rëndë i Marc-André Ter Stegen, i cili pësoi, në mungesë të konfirmimit zyrtar, një këputje të tendinit patellar. Diagnoza fillestare dukej e pasigurt, por deklaratat e doktor Berastegui, ekspert në artroskopi dhe trajtimin e dëmtimeve sportive të gjurit, kyçit të këmbës dhe këmbës, kujtoi një ndërhyrje të mëparshme për portierin në vitin 2020, ku ai mori pjesë për shkak të problemeve kronike në tendinën patelare të gjermanit:
“Katër vite më parë, ishte shtator, dhe kryem një pastrim, sepse trajtimi konservativ nuk funksionoi. Edhe pse ai operacion ishte i suksesshëm, ky dëmtim i ri shënon një sfidë shumë më të madhe. Duke parë pamjet duket se lëndimi është komplikuar”.
Berastegui përmendi se fillimisht kishte menduar për një dislokim të patellës, por me avancimin e informacioneve u konfirmua se bëhej fjalë për një dëmtim të tendinit të patellës: “Kur çahet tendina, i gjithë sistemi i zgjatimit të gjurit thyhet. Lëndimi Ter Stegen është serioz, i krahasueshëm me një këputje të tendinit të Akilit. Kërkohet një rikuperim i gjatë dhe operacioni është pothuajse i pashmangshëm për të ruajtur funksionin e gjurit”.
Për sa i përket pushimit, eksperti e bëri të qartë se kjo varet shumë nga procesi individual i rikuperimit të lojtarit: “8 muaj jashtë fushave? Kjo përcaktohet shumë nga procesi i rikuperimit të lojtarit”. Megjithatë, ai theksoi se nuk është një dëmtim i lehtë, përkundrazi njihet për vështirësinë në rehabilitim.
Dr. Berastegui gjithashtu trajtoi lidhjen e mundshme midis këtij dëmtimi dhe problemeve të mëparshme të Ter Stegen me tendinën e tij, por përjashtoi një korelacion direkt: “Problemet e tij me tendinën në vitet e fundit nuk kanë asnjë arsye për t’u lidhur. Ai ka luajtur në nivelin më të lartë pa probleme”.
Në lidhje me mënyrën se si ndodhi lëndimi, mjeku theksoi se më shumë se kontakti në ajër me Yéremy Pino, problemi është në mënyrën se si ai ra në tokë: “Ter Stegen mund ta ketë kontraktuar muskulin në mënyrë të ekzagjeruar. Tendina patellare nuk paralajmëron për rrezik lëndimi”.
Së fundi, Dr. Berastegui nuk hezitoi ta përshkruajë dëmtimin e Ter Stegen si më të rëndë se një këputje e ligamentit të kryqëzuar: “Tendina patellare ka një problem që përfshin përkuljen e gjurit dhe fuqinë e muskujve, gjë që e bën rikuperimin më të rëndë”.
Lëndimi i Ter Stegen përfaqëson një goditje të rëndë për Barçën. Tani të gjithë sytë janë te procesi i rikuperimit të tij, i cili mund të shtyhet deri në sezonin e ardhshëm, në mungesë të një diagnoze zyrtare.
