Sot ka qene një ditë historike për futbollin spanjoll dhe për luftën kundër racizmit në fushat e futbollit. Siç bën të ditur gazeta “AS”, sot janë dënuar 3 tifozë të Valencias për thirrjet raciste kundër Vinicius Junior, lojtarit të Real Madrid.
Ata u dënuan me 1 vit burg por iu reduktua për një të tretën në bazë të marrëveshjes në fazën paraprake, duke lënë dënimin efektiv për tre të pandehurit me 8 muaj burgim dhe shpenzime gjyqësore.
Për më tepër, të dënuarve do t’u ndalohet hyrja në stadiumet e futbollit ku luhen ndeshjet e La Liga ose të Brazilit për një periudhë prej dy vjetësh. Ky eshtë dënimi i parë i lëshuar në Spanjë për këtë lloj ankese raciste.
