Ditë zyrtarizimesh te Milani! Pas dy drejtuesve, firmosin edhe dy futbollistë

1 Korrik 2022
23:14
Telesport

Një ditë me njoftime për shtyp për kuqezinjtë. Pas rinovimit të kontratës së Paolo Maldinit dhe Frederic Massara, ka mbërritur edhe blerja zyrtare e Alessandro Florenzi. Por kjo nuk është e gjitha.

“Një histori kaq intensive, me një fund kaq të veçantë, nuk mund të mos vazhdonte! Faleminderit … akoma bashkë. Këtu dhe tani. Ka qenë një sezon vërtet shumë emocionues, e dija se çfarë mund të jepja. Shpresoj të shtoj edhe trofe të tjerë përveç këtij” ka shkruar mbrojtesi i ardhur nga Roma.

Florenzi ka firmosur deri ne qershor te vitit 2025 dhe shuma e paguar duhet te jete mes 2.5 mln euro dhe 2.7 mln euro bashke me bonuse. Në mbrëmje klubi njoftoi edhe vazhdimin e Antonio Mirantes, kontrata e të cilit skadoi më 30 qershor 2022 dhe e cila është zgjatur me një sezon. Ja shënimi zyrtar: “AC Milan njofton se ka ushtruar të drejtën e opsionit për zgjatjen e kontratës së Antonio Mirantes deri më 30 qershor 2023”.

Mirante u nënshkrua nga kuqezinjtë në tetor pasi Mike Maignan u detyrua në një operacion me një dorë dhe një ndalesë të gjatë. 38-vjeçari nga Castellammare di Stabia kishte mbetur i lirë pas eksperiencës së fundit në Romë dhe pranoi me kënaqësi transferimin te Milanello, edhe pse ishte i vetëdijshëm se do të mbante rolin rezervë.

Asnjë prezencë për të me Milanin, por ai është ende kampion i Italisë. Megjithatë, përvoja e tij ishte e dobishme për grupin, me të cilin u përshtat shumë mirë që në fillim. Me konfirmimin e tij, bëhet automatike të mendohet se Alessandro Plizzari do të shitet sërish me formulën e huazimit. Ka skuadra të Serisë B të interesuara për portierin e klasit 2000.

Lajme të tjera

Lajmet e fundit