Tenisti serb Novak Djokovic nuk ka mundur të fitojë asnjë turne të rëndësishëm këtë vit, duke u mundur së fundi edhe në finalen e turneut Masters të Shanghai. Duket qartë se karriera e 37-vjeçarit është në fund, teksa Carlos Alcaraz dhe Jannik Sinner kanë dominuar në turnetë kryesore të këtij viti.
Fituesi i 24 grand slam nuk do të luajë në turneun Masters të Paris-Bercy që ka nisur këtë javë dhe rrezikon të moz zbresë më në fushë këtë vit. Duket se ish-numri 1 në botë ka vendosur të menaxhojë më mirë energjitë e tij, teksa pranon se kur luan ndaj Alcaraz dhe Sinner e ka të vështirë të fitojë.
“Ata janë të rinj, kanë freskinë dhe forcën që kisha unë dikur. E pranoj që ndaj tyre po bëhet gjithnjë e më e vështirë. Nuk kanë pika të dobta dhe luajnë shkëlqyeshëm, duke e bërë më të ëvshtirë për mua të fitoj pikën. Ndonjëherë përvoja nuk mjafton”, tha Djokovic.
