Janë luajtur ndeshjet e radhës së raundit të parë në grand slam-in e Wimbledon, shumë prej të cilave të shtyra për shkak të shiut dhe që do të mbyllen sot.
Te meshkujt, Novak Djokovic avancon më tej pas fitores 3-0 ndaj Vit Kopriva. Më tej shkon edhe danezi Holger Rune, që mundi Soon-Woo Kwon.
Nuk zhgënjen as greku Stefanos Tsitsipas, që mundi po 3-0 Taro Daniel, ndërsa britaniku Andy Murray nuk zbriti farë në fushë, i dëmtuar dhe u tërhoq.
Një biletë për në raundin e dytë sigurojnë edhe tenisti gjerman Alexander Zverev, polaku Hubert Hurkacz, australiani Alex de Minaur dhe italiani Lorenzo Musetti.
Te femrat, nuk zhgënjen tenistja kazake Elena Rybakina, që mundi 2-0 Gabriela Ruse. Në raundin e dytë avancon edhe tenistja amerikane Jessica Pegula.
Pa probleme fiton numri 1 në botë, tenistja polake Iga Swiatek, ajo franceze Caroline Garcia, danezja Caroline Wozniacki e tuniziania Ons Jabeur.
