“Unë jam një person që nuk flas shumë, më pëlqen të punoj më shumë se çdo gjë. Në këto tre vite kam gjetur shokë dhe tifozë të jashtëzakonshëm, jam rritur falë tyre. Nuk kam menduar kurrë të largohem nga Interi, thashethemet vijnë por nuk thashë kurrë asgjë dhe vazhdova të punoj”.

Fjalët e Hakan Calhanoglu, një nga protagonistët e titullit të Interit, gati për të udhëhequr zikaltrit në një sezon që premton të jetë stimulues:

“Ishte bukur të përjetoja emocionin e titullit. Këtë vit kundërshtarët do të jenë më të motivuar sepse duan të na mundin. Do të jetë e rëndësishme të konfirmojmë atë që kemi bërë. Ne po punojmë, është nxehtë dhe është e lodhshme, por ne jemi gati për Genoa-n”, janë fjalët e mesfushorit turk për Sky Sport.

Kush janë kundërshtarët e këtij viti? “Nga ajo që shohim të gjithë, skuadrat janë forcuar. Sekreti ynë është vendosmëria dhe dëshira për të fituar. Do të jetë edhe më e vështirë të rikonfirmojmë atë që kemi bërë”.

Gabimi që Interi nuk duhet të bëjë. “Ne nuk duhet të dorëzohemi. Ose të humbasim motivimin. Dhe të bëjmë edhe më shumë. Ne kemi mentalitetin e duhur dhe gjithashtu lojtarët e rinj që janë shumë të fortë.”

Lautaro Martinez vazhdon të shënojë dhe të fitojë trofe: a mund të aspirojë për Topin e Artë? “Shpresoj kështu për të. Ne jemi të gjithë me të, ai di si t’i menaxhojë shokët e ekipit, ai shënon dhe gjithmonë bën diçka të re: ai e meritoi rinovimin me Interin”.