Adoleshenti brazilian Rodrygo ka shkëlqyer në ndeshjen e kampionatit të Amerikës Latine për moshat U-20 me dy gola ndaj Venezuelës dhe menjëherë ka çmendur tifozët e Real Madrid të cilët mezi po e presin ardhjen e tij.
18-vjeçari ka arritur marrëveshjen me Los Blancos për 45 mln euro dhe do t’i bashkohet klubit të ri në verë.
Me paraqitjen e bërë ndaj Venezuelës, duket qartë pse Real shpenzoi aq shumë para për të.
Pasi debutoi me ekipin e parë të Santos në nëntorin e 2017-ës, ai ka shënuar 12 gola në 60 paraqitje, megjithëse ka mbushur 18 vjeç vetëm gjatë këtij janari.
Ai është lojtari më i ri i Santos që luan në Copa Libertadores dhe 15 ditë më vonë u bë braziliani më i ri që ka shënuar në të.
