Tunizia është akuzuar për përpjekjen për të përjashtuar Neymar nga Kupa e Botës nga trajneri i Brazilit Tite. Të dy ekipet u ndeshën në një miqësore të ashpër në Parc des Princes në Paris mbrëmë.
Nëse ylli i Paris Saint-Germain, Neymar, mendonte se do të kishte ndonjë favor sepse luante në shtëpi, është gabuar. Sulmuesi pësoi faulle vazhdimisht në fitoren e thellë 5-1 të Brazilit, me Neymar që realizoi të tretin me penallti.
Pas ndeshjes, trajneri Tite tha: “Kishte një shumicë tuniziane. Në momente të ndryshme u përpoqa të gjeja disa nga tifozët tanë dhe ata ishin të shpërndarë. Kjo krijoi një atmosferë të një ndeshjeje konkurruese.
“Në fushë e dinim se do të ishte ndeshje e fortë, korrekte, por nuk e imagjinoja një veprim si ai që ndodhi me Neymar-in, që u bë me qëllimin për të eliminuar një lojtar nga Kupa e Botës.
Neymar, 30 vjeç, shtoi: “Më shqetëson, të jem i sinqertë. Kam folur edhe me Tite. Kam bërë një faull, të parin, dhe u ndëshkova me karton të verdhë. Në pjesën e dytë ata më bënë faulle disa herë dhe nuk pati asnjë të verdhë. Është e vështirë, këto janë gjëra që nuk i kuptoj”.