Fituesi serial i Champions League, Real Madrid, do të kërkojë të shkatërrojë ëndrrat e Borussia Dortmundit në finalen që do të zhvillohet në Wembley mbrëmjen e sotme.
Kampionët spanjollë kërkojnë kurorën e tyre të 15-të europiane dhe të gjashtën në 11 sezonet e fundit kundër një Dortmundi që shpreson të fitojë kompeticionin për herën e dytë.
AFP Sports ka nënvizuar pesë gjëra që duhen pasur parasysh në finalen e madhe:
Jude Bellingham could win the Champions League at 20 years old in his home country’s most iconic stadium 🏴 pic.twitter.com/5VwuOO6bUP
— B/R Football (@brfootball) May 31, 2024
Fushata e Bellingham për Topin e Artë
Jude Bellingham është emblema e diferencës mes dy klubeve dhe shkallës së sfidës me të cilën përballet Dortmundi këtë fundjavë.
Pas daljes në skenë si një talent i jashtëzakonshëm adoleshent te Birmingham në nivelin e dytë të futbollit anglez, Bellingham arriti nivele më të larta gjatë tre viteve te Dortmund.
Ai më pas u shit për mbi 100 milionë euro (85 milionë £) te Madridi 12 muaj më parë dhe ka treguar pjekuri të jashtëzakonshme edhe pse vetëm 20 vjeç duke shkëlqyer në radhët e madrilenëve.
Bellingham tashmë është kurorëzuar lojtari më i mirë i sezonit në La Liga pasi ka shënuar 23 gola në të gjitha kompeticionet dukeë ndihmuar Madridin të fitojë titullin spanjoll.
Nëse i shton koleksionit edhe trofeune Champions League ai mund të bëhet anglezi i parë që fiton Topin e Artë që nga Michael Owen në 2001, veçanërisht me Tre Luanët që do të luftojnë edhe për të fituar Euro 2024.
WEMBLEY HERE WE COME! pic.twitter.com/PL1OrxXTQC
— Jadon Sancho (@Sanchooo10) May 7, 2024
A mund të shkëlqejë Sancho në kthimin në shtëpi?
Jadon Sancho kthehet në qytetin e tij të lindjes, por me ngjyrat e Dortmundit ai ka lulëzuar në dy periudha të ndryshme.
24-vjeçari u kthye në Gjermani në janar si huazim nga Manchester United, që kishte paguar Dortmundin 73 milionë sterlina (93 milionë dollarë) për sulmuesin më pak se tre vjet më parë.
Sancho pati vështirësi nën drejtimin e tre trajnerëve të ndryshëm tek United dhe përfundimisht u përjashtua nga Erik ten Hag pas një grindjeje publike me holandezin.
I kthyer te Dortmund, ai është dukur një lojtar ndryshe dhe ka luajtur një rol kryesor në fitoren e gjysmëfinales, ndeshjen e parë ndaj Paris Saint-Germain.
Fitorja ndaj Madridit do të mbyllte një përmbysje spektakolare në sezonin e tij dhe do të ndihmonte në lehtësimin e dhimbjes së provuar pak vite më parë në Wembley.
Sancho ishte një nga tre anglezët që humbi penalltinë në finalen e Euro 2020 të humbur ndaj Italisë.
Just a boy and his ball. pic.twitter.com/DJapttkQlX
— Borussia Dortmund (@BlackYellow) May 31, 2024
Lamtumirë ëndrrash për Reus?
Së bashku me Mats Hummels, Marco Reus është një nga vetëm dy lojtarët e Dortmundit që përjetuan humbjen në finalen e 2013 ndaj Bayern Munich.
Dëmtimet e kanë privuar të përmbushë potencialin e tij të plotë, duke përfshirë një problem në kyçin e këmbës që e bëri atë të humbasë fitoren e Gjermanisë në Kupën e Botës 2014.
Por, lojtari i lindur në Dortmund ka qenë ylli i madh i klubit, duke shënuar 170 gola, gjatë një epoke ku verdhezinjtë kanë ndihmuar në zhvillimin e Bellingham, Sancho dhe Erling Haaland.
Tani 35 vjeç, e shtuna do të jetë ndeshja e tij e 429-të dhe e fundit në karrierën e Dortmundit që mund të ketë një fund përrallor.
Fullkrug vs Rudiger
Një përplasje e peshave të rënda mes dy ndërkombëtarëve gjermanë mund të vendosë fatin e finales.
Brenda dy javësh, Niclas Fullkrug dhe Antonio Rudiger do të rreshtohen në të njëjtën anë kur Gjermania do të kërkojë lavdinë në Euro 2024.
Ata kanë marrë rrugë shumë të ndryshme drejt ndeshjes më të madhe në futbollin europian për klube.
Rüdiger can do it all 👀#UCL pic.twitter.com/ftJA257YwM
— UEFA Champions League (@ChampionsLeague) May 11, 2024
Vetëm dy sezone më parë Fullkrug luante në kategorinë e dytë të Gjermanisë me Werder Bremen, por fitoi grumbullimin e parë në ekipin kombëtar në moshën 29 vjeç për Kupën e Botës 2022 dhe më pas erdhi transferimi i tij i madh te Dortmundi verën e kaluar.
Sulmuesi i madh ka shënuar 16 gola këtë sezon, duke përfshirë fituesin në gjysmëfinale, ndeshjen e parë kundër PSG.
Rudiger është tashmë një fitues i Champions League që nga koha e tij te Chelsea dhe qendërmbrojtësi luajti një rol të madh në ecurinë e Madridit në finale duke mbyllur sulmuesin e Manchester Cityt, Haaland dhe Bayern Munich, Harry Kane.
Ancelotti, mjeshtri i Champions League
Trajneri i Madridit, Carlo Ancelotti tashmë qëndron i vetëm si njeriu i vetëm që ka fituar Champions-in katër herë si trajner dhe mund të krijojë një diferencë të qartë si trajneri më i suksesshëm në historinë e kompeticionit në Wembley.
Ancelotti udhëhoqi Milan-in drejt lavdisë në Champions League në 2003 dhe 2007 përpara se t’i jepte fund thatësirës 12-vjeçare të Madridit duke fituar trofeun e 10-të në 2014 gjatë qëndrimit të tij të parë në kryeqytetin spanjoll dhe duke e fituar atë përsëri në 2022.
Por është gjatë periudhës së tij të dytë si trajner i Real Madridit që përzierja e menaxhimit të yjeve dhe aftësive taktike të Ancelottit ka filluar të marrë lavdërimet e merituara dhe italiani të kon siderohet si një nga më të mëdhenjtë e të gjitha kohërave.
