“Joshua Kimmich na ka thënë qartë se dëshiron të dijë se kush do të jetë trajneri i ardhshëm i Bayernit përpara se të vendosë nëse do të qëndrojë apo jo në Mynih”. Me këto fjalë të lëshuara në mikrofonat e “SkySport DE”, drejtori sportiv bavarez Max Eberl bëri një bilanc të së ardhmes së mesfushorit gjerman, kontrata e të cilit skadon në qershor 2025.
“Nëse dëshiron të vazhdojë me ne – vazhdoi ish-trajneri i Leipzig dhe Borussia Moenchengladbach, – i ka dyert e hapura. Fjala e fundit i takon atij. Në çdo rast do të ishte mirë që të mund ta mbyllnim çështjen deri në fund të prillit”. Në gjurmët e tij janë Real Madridi, Barcelona, Manchester United, Chelsea dhe PSG.
Kimmich (29 vjeç) mbërriti te Bayern Munich në verën e vitit 2015 nga Shtutgarti, duke bërë 378 paraqitje dhe shënuar 41 gola deri më tani. Në karrierën e tij arriti të fitojë një Ligë të Kampionëve, një Botëror për Klube, 8 tituj të Bundesligës, një Superkupë Europiane, 3 Kupa Gjermanie dhe 6 Superkupa të Gjermanisë.
