Kjo fitore shton shanset e Chelsea-t për vendin e gjashtë të renditjes, që do të përkthehej në pjesëmarrje në Conference League, teksa Tottenhami heq dorë nga gara për një vend në zonën Champions.
Chelsea rikthehet te fitorja dhe ia del të mposhte me rezultatin 2-0 Tottenham në derbin londinez. Skuadra e Maurizio Pochettinos – teper i kontestuar – nuk fitonte prej tre javësh në kampionat, megjithatë ia doli të shënojë nga një gol për çdo pjesë ndaj “Spurs”-ave të Postecoglu dhe të marrë tre pikët.
Blutë e Londrës morën avantazhin në pjesën e parë me golin e Chalobah, me mbrojtësin që iu shkëput bukur prapavijës së Tottenhamit, për të bërë një goditje perfekte me kokë dhe dërguar topin në rrjetë.
Më pas në pjesën e dytë ishte Jackson ai që shënoi edhe golin e dytë për Chelsea-n, ndërsa Tottenhami nuk pati fuqinë e duhur për të reaguar dhe shmangur humbjen në derbi.
Kurioziteti – Nicolas Jackson ka shënuar katër gola në ligë kundër Tottenhamit këtë sezon me vetëm Jimmy Floyd Hasselbaink që ka shënuar më shumë kundër Spurs për Blues në një sezon të vetëm në Premier League (pesë gola në 2001-02).
