Thomas Tuchel është i hapur për të qëndruar te Bayern përtej këtij sezoni në parim. Deri tani, klubi nuk i është drejtuar atij për këtë mundësi. Por Max Eberl dhe Christoph Freund mund të imagjinojnë të vazhdojnë të punojnë me Tuchel dhe nuk duket si utopi!

Tuchel kur u pyet sot për mundësinë e qëndrimit, nuk e përjashtoi kategorikisht: “Ne kemi një kontratë ekzistuese dhe kemi rënë dakord që do ta ndërpresim më herët. Por, gjithcka eshte e mundur, por pergjigja eshte e njejta deri tani”

Nga ‘qarqet e mirëinformuara të agjentëve’, thuhet se Bayern tani dëshiron të angazhohet në mënyrë të plotë për trajnerin e Benfica-s, Roger Schmidt. Ish-trajneri i Leverkusenit dhe Salzburgut është nën kontratë deri në vitin 2026 dhe ka një klauzolë lirimi prej 30 milionë euro, por Benfica nuk është plotësisht e kënaqur me të, prandaj nuk do të ishte e komplikuar ta merrte atë. Schmidt tashmë është diskutuar në Bayern më parë, por kurrë nuk ishte një nga kandidatët kryesorë, por tani ai është lartë në listë.

Max Eberl dhe Christoph Freund janë të përqendruar edhe te Roberto De Zerbi, megjithëse kandidatët e tjerë po konsiderohen gjithashtu në prapavijë sepse klubi ka mësuar nga javët e fundit se asgjë nuk është e sigurt.

De Zerbi nuk e ka përjashtuar një lëvizje të mundshme në Mynih. Drejtuesit e Bayernit kanë mbajtur kontakte me të, por janë të vetëdijshëm për pikat e ngecjes në negociata (staf i madh stërvitor, tarifa dyshifrore milionëshe pasi duhen 14 mln euro klauzole kontrate dhe rrogat me pas).

Brenda, thuhet se Bayern nuk është i gatshëm të paguajë një tarifë të madhe për trajnerin e ri pasi kaq shumë para janë shpenzuar tashmë për postin e trajnerit në vitet e fundit. Bayern ka pyetur gjithashtu për Julen Lopeteguin në orët e fundit. Spanjolli nuk është lart në listë, por klubi ka pyetur për disponueshmërinë e tij