Arne Slot pret me padurim të fillojë aventurën e tij si trajner i Liverpool-it në Premier League.

Ish-trajneri i Feyenoord, i thirrur për të marrë përsipër detyrën e vështirë për të marrë vendin e Jurgen Klopp, ka folur në një konferencë për shtyp në prag të ndeshjes kundër Ipswich, duke u ndalur mbi të gjitha te merkato.

Reds, të cilët humbën Thiago Alcantara, Adrian dhe Joel Matip, nuk kanë bënë asnjë lëvizje: “Nëse nuk forcohesh, bëhesh më i dobët? Nuk e kuptoj. Nuk është gjithmonë e vërtetë që nëse blen lojtarë të rinj një ekip bëhet më i fortë.

“Jurgen e la ekipin në një pozicion të mirë. E kam thënë shumë herë se skuadra jonë është vërtet e fortë dhe nuk është e lehtë të gjesh lojtarë që mund të na forcojnë.

“Zubimendi? Ai ishte një opsion, por fatkeqësisht vendosi të mos vinte. Drejtuesit tanë bënë të gjitha përpjekjet për ta marrë, por nëse një lojtar nuk dëshiron të vijë…”.

Për Luis Diaz: “Ka shumë spekulime, kjo është tashmë e qartë për mua. Kështu që nuk më habit nëse ju dëgjoj të thoni se Luis Diaz ka oferta. E ardhmja e tij është me ne sepse më pëlqen shumë ajo që kam parë në 10 ditët e fundit.

“Pashë atë që admiroja sezonin e kaluar: ai gjithmonë kishte një ndikim të madh te Liverpool dhe shpresoj se ai do të ketë një ndikim të madh edhe sezonin e ardhshëm”.