Thashethemet vazhdojnë të dalin në lidhje me të ardhmen e Xavi. Pasi trajneri i Barcelonës kishte deklaruar muajt e fundit se nuk do të ishte trajneri i Blaugranës sezonin e ardhshëm, së fundmi pati nje ndryshim plani befasues nga trajneri, i cili arriti marrëveshje për të vazhduar aventurën e tij në Katalonjë.

Sipas asaj që u raportua nga El Larguero, një program radio sportiv spanjoll i transmetuar në Cadena SER, Xavi megjithatë është gjithnjë e më i vetëdijshëm se ata nuk e duan atë në Barcelonë.

Ai qëndroi sepse sondazhet me trajnerët e tjerë ishin të pasuksesshme: u bënë përpjekje me Roberto De Zerbi, menaxherin e Brighton, i cili refuzoi dhe të njëjtën gjë bëri Hansi Flick.

Në të vërtetë, raporton Cadena SER, Deco, drejtori sportiv i klubit, tha publikisht disa ditë më parë se nuk do të dëshironte të vazhdonte me Xavi. Njerëzit e afërt të trajnerit e këshillojnë të largohet, por vendimi përfundimtar do të jetë i tij.