Manchester United ëndërron një transferim të bujshëm në merkaton e verës, ku bëhet fjalë për Antoine Griezmann.
Mediat angleze kanë raportuar lajmin ditën e sotme, duke shkruar se “Djajtë e Kuq” kanë bërë gati 90 milionë sterlina për të bindur Barcelonën që të lirojë sulmuesin. Francezi nuk është i kënaqur në Katalonjë, ashtu si klubi i tij që nuk është i kënaqur me të dhe largimi do të ishte gjëja më e mirë për të dy palët.
Manchester United e ka gati planin, madje i ka rezervuar edhe numrin në fanellë. Sipas mediave, Griezmann do të mbajë numrin 7 në shpinë, ashtu si Cristiano Ronaldo dikur në “Old Trafford”. Tashmë mbetet për t’u parë se çfarë do të ndodhë në verë, por gjasat janë reale që ky transferim mund të finalizohet.
