Edhe pse mbetet e fokusuar në finalen e sezonit në La Liga dhe Champions League, Barcelona po monitoron objektivat e merkatos.

Një nga këto objektiva është sulmuesi i Napolit, Khvicha Kvaratskhelia, sipas gazetarit Alex Pintanel.

Ylli gjeorgjian, i cili ka një vlerë prej 80 milionë eurosh, është një nga lojtarët më të rëndësishëm të klubit.

Ai ndihmoi Napolin të fitonte titullin e parë të Serie A që nga viti 1990 sezonin e kaluar, gjë që ka tërhequr interesin e disa prej klubeve më të mira europiane.

Barça është ndër klubet e interesuara për 23-vjeçarin, por ai nuk është një prioritet për Blaugranat për momentin. Ndërkohë, çmimi i kërkuar i Napolit do t’i bëjë gjërat edhe më të vështira për katalanasit, të cilët vazhdojnë të kenë probleme financiare.

Gazetari italian Ciro Venerato kohët e fundit pohoi se Chelsea, Paris Saint-Germain dhe Liverpool janë të gjithë të interesuar për Kvaratskhelia.

Ai tha përmes Football365: “Rinovimi i Kvara-s, për momentin, është larg: lojtari dëshiron një rritje rroge, e cila po vonon, por ai nuk do të largohet nga Napoli, me De Laurentiis që propozon një pagë të lartë për të shtyrë transferimin e tij në 2025.

“Për të mund të vendoset edhe një klauzolë lirimi, siç ndodhi me Osimhen. Numri 77 ndiqet nga klube të mëdha, si Barcelona, Chelsea, Liverpool dhe PSG”.

Kontrata aktuale e sulmuesit gjeorgjian me Napolin do të skadojë në vitin 2027 dhe gjigantët e Serie A duan që ai të nënshkruajë një rinovim, që thuhet se do të përfshijë një rritje page.

Që nga transferimi te Napoli në vitin 2022, Kvaratskhelia ka luajtur 81 ndeshje në të gjitha kompeticionet, duke kontribuar me 24 gola dhe 23 asiste.